Puyata nocturna

Pa yo, que soi pro rar, un d'es chicotz placers de la vida ye pasiar-me per la montanya de nuet con luna plena e nieu. Se no el hetz feto nunca, tos recomiendo que el fayatz, perque quan sales d'es árbols puetz apagar el frontal e caminar baixo la luz de la luna plena. Pos ixo fayé yo fa uns días, quan las condicions yeran buenas, puyar ta un picacho que i hai a'l canto de Comodoto a veyer se tenebe buena suerte con las luces d'el maitín.
No'n tenié de suerte, pero ixo rai, perque ixo només hes estato la guinda d'el pastel. Yo disfruto puyando montanyas (encara que a vegatas sufra una miqueta) e veyendo ixes espectaclos en directo.

Plomazo II

El domingo torné enta la carga, a veyer se tenebe més suerte, pero como que continaba nevando, habié de fer el que se podió en un ratichón antes de baixar ta la Ferieta de L'Aínsa.

Plomazo I

Febrer, febrer, barbas de mal caballer, que matores a tu pai en el lenyer e a tu mai en el lavader (popular).
Pos ixo, que febrer ye un mes en el que l'orache cambea muto, e estianyo le dio per prencipiar con nieu, muta nieu.
Las fotos son d'el sabado 6, quan cayió una lit en l'altra man de la valle (ya m'hebe meso preto a'l río Lalarri en previsión d'ixe periglo), en las Articas, e la boira de nieu me clavó dos dedos de nieu per dencima.

Entre semana

Entre semana no puedo salir ta la montanya e i hai vegatas que s'intuyen un ciels espectaculars. Mutos días m'estimo més de no mirar-me per la finestra pa no patir, pero altros no puedo resistir-me e foi fotos d'el ciel dende casa.

Con luces

Se el sabado no trobé luces e habié de mirar un plan B, el domingo la insistencia dio es suyos frutos e per fin podié disponer de 5 menutetz con luces. Fue breu, pero intenso.

Sin luces

E no ye que me refiera a yo, que tampoco no ye que en tienga guaires, me refiero a que el sabado puyé ta Pineta con tota la ilusión d'el mundo esperando unas luces espectaculars con la nieu zancera. Quan salié de casa yera raso, quan salié de prener-me el café d'el refuchio s'heba meso nuble e prometeba buenas luces, pero quan arribé ta'l puesto an querebe fer las fotos veyé que tamién yera nuble enta l'este e... Me quedé sin luces. Asinas que caleba tirar de plan B, que fue este:

Flor en el cul II

Per segunda vegata, torné ta un puesto en poco més d'una semana. E, tamién per segunda vegata, torné a tener muta suerte con las luces. Astí yere yo, dende que salié de casa, pensando-me que el ciel yera muit nuble e que no faría cosa. Pero siempre cal esperar, e la espera tornó a dar es suyos frutos (no pas ahier, que nian quité la camara de la mochila):