Pa rematar con noviembre

Pos ixo, quantas fotos fetas en noviembre e que chunto en la mesma entrata pa ir metendo-me a'l día con es posts.
Amaneixer dende Guaso, con las boiras tipicas de l'agüerro:

 Uns arcos de Sant Chuan dende la carretera de Buerba, La un sobre Puyarruego e el més potent sobre A Espunya:

 E ya l'agüerro en La Comuna, mirando de chugar con es desefnfoques en el primer plan:

Bramapán

Bramapán ye un tozal que i hai en Vallivió e a'l que feba tiempo que le tenebe ganas. Contabe que la envista dende alto sería la hostia e no me trafuqué mica. 360º con una vista que no te piensas per la suya altura. I soi puyato dos vegatas, e i tornaré a veyer se trobo millors luces. Aquí tenetz qualque foto d'ixes dos días.

Una tarde per Plana Canal

Pos ixo, no pintaba guaire bien, pero a la fin se metió més que interesant.

Ordesa dende O Cebollar

I puyé dos semanas antes en coche perque m'heban dato permiso  e el unico que consiguié fue cacegar las gafas de sol (#cagüenlaputadoros), e unaltro día me costó puyar caminando dende Torla pa poder repetir-la. No fueren malas las luces de tot, pero tampoco el que buscabe.

Ibón de Plan

Se de maitins fue a per las primeras luces de Pineta, de tardes prebé suerte con las zagueras en l'Ibón de Plan, an que i heba caito buen plomazo de nieu. Mientres i puyabe, me crucé con prou chent e me temebe que habrían tramallato per tota la nieu. Manimenos, tenié suerte en es trallos tumbatos la nieu yera zancera. No tenié tanta suerte con las luces, pero estar-ie en soledat, sentindo el frío en la cara e cantar las chincharanas... ixo no tiene precio, ye impagable.

Amaneixer en Pineta

Aprofitando el Puent de Totz es Santos. El refrán diz: Pa totz es santos, la nieu en es altos, pa Sant Andreu, en es peus; e pa Santa Aguedeta, hasta la bragueta. La primer parte se cumplió, pero no pas la segunda e ya veremos la tercera.
Pos ixo, que en elPuent de Totz es Santos aprofité pa fer fotos a montons, e un día fue a veyer cómo amaneixeba per Pineta, e aquí tenetz es resultatos.
Hora azul:

 La luz acaricia es picos més altos:

 Poquet a poquet la luz va cambiando:

 Chugando con el sol e la rosada:

 E ya a'l canto de la presa, antes d'ir-me-ne:

Ordesa d'agüerro

Sí, el reconoixco: este agüerro he pecato contra es míos principios relichiosos e soi ito ta Ordesa a fer fotos d'agüerro. Ya he rezato cien painuestros e 300 avemarías amés de sesions de cilicio quan voi ta la montanya. Asinas que creigo que ya m'he redimito d'es míos pecatos e puyo totas las fotos de vez pa no tener que recordar més es días de penitencia.