O Puent

Tal e como rematé abril, prencipié mayo. Visitas rapidas e pocas fotos, se nota que alarga el día e que arriba el sol decamín. Unqa vuelteta rapida per Anyisclo sin fer guaires fotos, pero disfrutando, que ye el que cuenta.

Replega de cabo d'abril (totas con bicho)

Pa cabo d'el mes d'abril he feto quantas salidas sin guaire tiempo, asinas que soi ito a punto fixo a fer la foto. Per ixo, m'estimo més d'agrupar las més significativas (tampoco no m'ha vagato d'editar-ne guaires) e chuntar-las en una sola entrata.
En totas i salgo yo pa dimensionar es puestos, encara que pro a fes que las tiengo sin bicho.
O Chorro Fornos:

 Os Vivers d'o Campillón (Surgencia de Escuaín)

 Plana Canal:

 O Puent d'as Crabas:

Una nuet en l'Aneto.

Dimpués d'estar uns días en Londres, como buen chabalín tenebe ganas de fer montanya. Antes de marchar hebe charrato con l'amigo Javier Camacho de fer bell pico en Semana Santa perque iba a estar per lo Pirienu. Asinas que una miqueta dimpués de prener tierra, le grité pa veyer qué podrinos fer. Me proponió de fer nuet en l'Aneto e no me'l pensé dos vegatas.
Las expectativas de las fotos yeran altas, e a la fin el frío e, sobre tot, l'aire, nos privoren de fer fotos en condicions. Pero per la experiencia e la companyía, pro que valió la pena.
Asinas que pocas fotos.
Portillón superior:

 Ocaso:

 Amaneixer:

El campamento:

 

Sestrals

Una tarde qualsequiera que puyas ta Sestrals pensando que talment trobes buenas luces e te i trobas un ciel raso.

Per Tella unaltra vegata.

Uns días dimpués d'ixe paquetón que cayó per tot arreu, menos en Bielsa, e que me pilló sin camara en Tella, la tarde prometeba e decidié de tornar-ie a veyer se pillaba un bien ciel. No ye d'es millors que i he visto, pero tener ixas envista siempre ye un privilechio.

Per Tella (unaltra vegata)

Fa dos cabos de semana nevó per tot arreu menos per Bielsa. El sabado tocó d'ir ta la France a esquiar e el domingo ta Tella a ayudar una miqueta con el bestiar, que le tocaba vesita "medica" e se i precisaba mans. Estié dubdando se llevar-me la camara, pero no me pareixió propicio. Maldita la hora en que decidié que no, perque malas que endrecé la puyata enta Tella ya i heba unas luces sobre Castillo Mayor impresionants, e quan arribé en Tella s'iba ubrindo el ciel e i heba una luz mahisma sobre tot Sobrarbe nevato (excepto Bielsa, cosas veredes...).
Una vez rematata la fayena e cumplitos es compromisos socials que tenebe en Bielsa, veyé que la tarde podeba prometer, asinas que endrecé a veyer se compensaba la oportunidat perdita de maitins. No fue pa tirar codetes, pero ya que ib'yere ito, pos bel·la cosa fayié.

Sant Mitier

La ermita e castiello de Sant Mitier, dencima d'el lugar homonimo e d'el Congosto de l'Entremont, ye un d'es millors miradors qu etenemos a Sobrarbe, e dende er se veye bien la esencia d'el que ye este chicot país nuestro (como canta la Ronda: Solo querían agua, montañas y electricidad). Goso ir-ie a menuto a veyer se pillo buens atardeixers, perque la envista ye brutal.