Més cypris

E ye que, tenendo-las a'l canto casa, con irresistibles...

Lavasar

Fa dos semanas e pico, quan puyé ta Cotiella con Javier Camacho, veyemos l'Ibonet de Lavasar, an que i heba feto un fotoón, habe anyos, Carlos Zamorano. Decamín es dos fayemos planes de tornar-ie a fer fotos, pero entre unas cosas e altras no podiemos coincidir, asinas que i fuemos cada un a la nuestra marcheta.
Este ye el mío resultato, con l'ayuda d'el mío "desfacedor de RAWs complicatos":

Ahier i torné, pero como que se desfayoren las boiras 20 menutos antes de las luces de l'atardeixer, el resultato ye muit diferent. I tornaré l'anyo que viene, a veyer se i hai suerte con las boiras.

Flors e boiras

El martes, creigo, perque ya no sé en qué día vivo, torné a veyer a las cypris e a llevar-me bell recuerdo en forma de caparra. Quan torné ta Bielsadeixé es trastes en casa e baixé a prener-me un hordio antes de cenar e quan salié, mama mís quan salié... I heba un ciel espectacular, d'es que pocas vegatas se veyen. Tanto que, quan entré en casa a pillar la camara, la mía filla me dició: "Papá, has visto qué ciel tant chulo?".
Como ixas luces son tant efimeras, la millor opción me pareixió de fer las fotos dende la finestra, pa tener, a'l menos, bell recuerdo.

Cypripedium calceolus

En Bielsa tenemos la suerte de contar con quantas poblacions d'esta preciosa orquídia. Es que m'aguantatz dende fa anyos, sabetz que siempre le dedico quantas sesions, e estianyo no iba a estar menos. En tiengo una pila de fotos, pero miraré de no cansar-tos guaire :-)

Fornos II

El sabado pasato puyé ta Cotiella, pico que feba tiempo que tenebe en la capeza. Pero 'obchectivo no yera fotografico, asinas que me i llevé la compacta e las fotos que i fayé son testimonials e de recuerdo.
Pero el domingo, pa estirar las piernas dimpués d'el primer sobo de la temporata, fue a veyer el Chorro Fornos, an sale tota l'augua que se filtra d'el Macizo de Cotiella (e quan digo tota, ye tota) e saliba un mangazo impresionant, tota la que no veyemos el sabado en la puyata, e ixo que en precisanos. Encara queda un paquetón de nieu important en altura, asinas que se queretz e podetz, encara podretz ir a veyer-lo.

Ibón de Plan II

Se gosatz seguir este blog, habretz visto que fa poco puyé una entrata de l'Ibón de Plan. Pos bien, a's pocos i torné. Per qué? Pos perque pareixeba que el ciel feba millor cara que la semana anterior, asinas que el miércols de tardes i torné. Amés, hebe quedato en trobar-nos-ie con Pedro Montaner, fotografo de Uesca a qui veyé quan yo ya me'n ibe. En fin, que estió bien pero pintaba millor d'el que dimpués fue.
Tos deixo con las fotos.

Cuento que encara i tornaré bel·la vegata més, pero será entre semana, perque ahier quan baixemos de Cotiella yera Lavasar plen de coches.
Problemas de fer-se famoso, cuento :-(

Primavera en Pineta

Encara que no podié dedicar-le guaire tiempo (de feto, quasi totas las fotos son a'l canto de la carretera) estes días pasatos que no feba soque plever baixaban es barrancos plens d'augua, sobre tot es de la Man Pacina de Pineta. Asinas que bel·la escapateta tocó de fer.