viernes, 5 de junio de 2015

Neouvielle (Nieu viella)

Precisabe una escapata, e sin guaire pensar marché enta Francia, ta Neouvielle. Mientres i puyabe yera cayendo una buena tronata e la chent marchaba a cuerda. Esperabe que se'n deixás de plever e poder pillar buenas luces, pero a la fin se quedó en cosa. Asinas que fayé el que podié:


Tot tornando, paré en este churret que hebe visto puyando e i probé diferents enquadres:





miércoles, 3 de junio de 2015

Més flors

En esta tarde aburrita toca quedar-se en casa perque pleve. Asinas que aprofito pa puyar estas dos fotos de Cypripedium d'estianyo.
No he puesto salir més perque ha feto muto aire. E charrando d'aire, una canción que feba días que no sentibe que charra de l'aire en la parte final, que me pareix sublime.



sábado, 30 de mayo de 2015

Flors

Dimpués de 10 días con el puto aire de puerto (no soporto l'aire, qué le imos a fer), per el chueves se'n deixó una miqueta e podié salir a fer fotos a flors, que aora prncipia la temporata buena per la montanya.
Maitín i tornaré, pero per aora, esto ye el que i hai:





Per cierto, ahier me dioren el primer premio d'el concurso fotografico d'el Geoparque de Sobrarbe (unico concurso a'l que me presiento) con esta foto. Soi contento, pero a yo me feba més goyo unaltra he he:


martes, 19 de mayo de 2015

Ya son aquí

Como siempre, preciosas, pero estianyo con antelación (cosa d'el cambio climatico, cuento, a no estar que me desmienta el primo de Rajoy). Per se bel·laún quiere fotografiar-las, estoi que en Sallent tamién son floreixitas.



lunes, 18 de mayo de 2015

Lalarri

Quan no tiens guaire tiempo, no te vaga d'ir-te-ne leixos u, simplement, no tiens guaires ganas d'andar (hue no'n tiengo d'escribir) perque has pasato mala nuet, Lalarri ye un recurso sencillo e a'l canto de casa. D'ahier de maitins.
El mío bolo fetiche, ye que m'encanta:
 Me fan muto goyo las texturas de l'augua d'estes churros:
 Un churro doble, en total uns 25metros d'altura:
 Enta Treserols:
 Unaltro churro doble:
 E, per fin, podié fer esta foto con chent en el mirador pa poder dimensionar. Ixes dos zagals posoren, conscientment, amablement pa yo. Ya tienen esta foto en es suyos correus.
E ixo ye tot per aora, que el troballo m'apura.

lunes, 4 de mayo de 2015

Anysiclo

Feba días que no querebe forzar per la tendinitis que arrociego dende fa meses (encara que llevar a Guillén en dinya per la montanya cuento que se puede considerar forzar). Pero, ya farto e veyendo cómo ye metendo-se la montanya con ixe verde electrico de las fuellas recient naixitas, no he puesto resistir-me a ir enta Anyisclo. Amés ahier de nuet plevió e ixo significaba colors més saturatas (e uan pega, baixaba desmasiata augua per lo río).
La mía ideya inicial yera puyar dica la Fuent Blanca, pero a falta d'una media hora se m'ha meso a plever e he considerato més prudent dar-me la vuelta.
Pero bel·la foto se'n ye venita con yo en la mochila, d'un d'es míos lugars iconicos: O Puent. Aprofitando-me d'es abances tecnolochicos, més concretament de la wifi de la camara, he puesto fer esta foto con yo mesmo dimensionando-la (ixo sí, unamiqueta cagato no fues cosa que s'en isen camara e tripode t'abaixo e rematasen en ixa gorga), perque siempre m'heba pareixito que no la foto no daba la sensación de puesto que tiene de verdat:

E bel·launa més, como en Cumaz quan clariaba:

E dos més antes d'A Ripareta:


A veyer quán puedo tornar a salir...

sábado, 2 de mayo de 2015

O Puent d'as Crabas

Ahier, encara que l'orache no pintaba guaire bien, estiemos en O Puent d'as Crabas, en el camín entre Escartín e Basarán. Yera impresionant, eprque heba plevita e las colors yeran saturatas, el verde ye que rabienta e yera nuble, per lo que no i heba mala luz (tot e que i arribemos a las 2 de la tarde). Asinas que no me'n queixo (es míos rinyons de llevar en dinya a Guillén, sí, pero qué le imos a fer). Pocas fotos, pero bel·launa interesant.