Floretas d'el Pirineu

Qué goyo fa de pasiar per la montanya e veyer-lo tot verde e plen de flors. Ya faré montanya quan no quede flors, perque el macro no puede parar quieto.
Ahier de tardes, sin caminar guaire, fue a veyer el martagón.
Aquí con una zygaena que querió salir en la foto:

Sin bicho:

Una siempreviva, chugando con es desenfoques d'el 2'8:

 Encara nos trobemos con dos Lilium pirenaicum medio sanos:

E una orquidia que no conoixebe, Coeloglossus viride. Bien se vale que la enciclopedia con patas e barba que m'acompanyaba la conoixeba. La cuqueta s'ofreixió amablement a posar pa yo:

E ixo ye tot per aora, caldrá fer-les una visita a las palustris bell rato.

Moonrise

Ahier de tardes, veyendo salir la luna dende El Cuezo. Dimpués ta casa. Pareixco nuevo, ni forro ni comida, e tenebe una fambre que la veyebe correr he he.
Ibe a recortar per debaixo, pero si tos miratz bien, se i veye una cuqueta de luz (e no ye un hotpixel, que veyebe ixe punto verde sin mirar per lo visor).

Macreando

Ahier domingo la mía intención yera de puyar ta l'Ibón d'el Cau, que siempre he visto dende las alturas pero no i soi estato nunca. Pero como esto de recuperar la forma me lelvará uns días e la tarde-nuet d'antes hebe estato de fiesta en Ixabierre, por quan me desperté no tenebe guaires f¡ganas de foter-me ixe sobo. Asinas que marché con el macro a veyer cómo va la eclosión de las Parnassius apolo e de paso enredar con el macro. No'n veyé guaires e amés feba aire, asinas que las fotos no son d'el millor. Ya i habrá més e millors oprtunidatz.
La unica a la que podié fotografiar una miqueta bien:

Un barranco per an que he pasato mutas vegatras e nunca no le heeb feto una foto:

Chugando con el B&W:

Les toca el turno a las flors de nieu:

Orchis ustulata:

E ya, indo a veyer cómo iban es martagons (les falta una miqueta), con un solazo d'el copón, l'ababol amarillo (Meconopsis cambrica):

A veyer se se para l'aire e se puede fer macros en condicions.

PARADISUS

Dimpués de quatre meses sin mover quasi el cul, per fin el sabado podié fer montanya, una miqueta de verdat, con quasi 1000 metros de desnivel, pa ir desenrobinando-me e ir pillando forma pa poder recuperar ixe costumbre tant rar que tiengo de puyar montanyas con mutos kg. de material fotografico en las costiellas. E qué millor forma de celebrar-lo que en un puesto an que poder combinar fotografía macro (millons de flors) con paisache. Un autentico paraíso floral con buenas anvistas enta una de las valles més bonicas d'el Pirineu.
Drylas octopetala encara en flor:

 Nigritella:

 Leontopodium alpinum:

 Una esparvereta:

 Un alto en el camín pa almorzar:

 Una de las litz, encara queda nieu, asinas que paratz cuenta e llevatz grampons e picoleta se itz a puyar t'alto:

 Enta abaixo:

Pos ixo,a veyer se el cabo de semana que viene torno a salir, que el cuerpo ya me'l pide.

Pleveba

Aora que me vaga, no me puedo estar de salir de casa ta'l mont, encara que pleva, como feba ahier. Qué incomodo ye fer fotos debaixo d'un batiauguas, chitato en la tasca mullata. Pero las flors se meten bien pinchas.
La primer siempreviva que veigo estianyo:

Un par d'Orchis ustulata:

 E las priemras floretas de nieu, a piet d'auto, encara que trenque l'aureola d'alta montanya que acompanya a esta flor:

Per fin (reloaded)

El domingo de maitins (vid. "Per fin" una miqueta més t'abaixo) me'n fueta Pineta a fotografiar el Lilium pirenaicum. Mientres i puyabe, m'acordabe de que fa uns anyos es pillé dimpués d'una tronata e yeran bien pinchos con las gotetas d'augua, e qu eyera una pena que estasen ixutos. Pos bien, ahier de nuet sobre las 12 prencipió a tronar e cayó un batilazo. Ya hebe decidito que hue de maitins habría a escapar-me un ratet. E dito e feto, aquí tenetz es resultatos. La zaguera la he feta quan saliba el sol e ya yere replegando pa ir-me-ne, m'he acordato de que quan el sol se reflexa en las gotetas, zarrando diafragma se puede conseguir ixas estreletas. Que conste que a yo el resultato me pareix hiper-cursi, pero per un regular quasi nunca foi macro con sol, asinas que quede como experimento.

Per fin

Per fin, quasi un mes dimpués, torno a estar una miqueta libre. E asinas, liberato ya d'una obligación important, per fin he puesto escapar-me un ratet a veyer cómo va la flora per Pineta. E con estas cosas, e més, m'he trobato.
Lilium pirenaicum:

Raimonda myconi:

Orchis ustulata: