domingo, 24 de octubre de 2010

Per fin l'agüerro

Esto maitín soi puyato ta Pineta, unaltra vegata. Pero per fin es faus de la Selva Pochas ya yeran con las colors de l'agüerro. Bien se vale que i soi ito, perque a partir de maitín dan uns volturnos d'aire que no deixarán ni una fuella. Pa'l martes dan aire a 84 km/h, asinas que a tomar per saco agüerro, aora que se meteba tot majismo :-(
Pero bueno, s'ha feto el que s'ha puesto, que estianyo no soi pa poder ir-me-ne guaire tiempo per la montanya. Ya arribará l'anyo 2011 a veyer se se puede fer més cosas.
A lo que ibe, que soi puyato per lo camín d'es Churros de Lalarri e me'n si baixato per la pista, aquí tos deixo bel·la foto de hue:

Estoi que ya no podré fer més fotos d'agüerro estianyo (se me quedan en es debes la Comuna, Ordesa, Buixaruelo, o Puent d'as Crabas e un largo etcetera). Sisquera m'equivoque.
en

3 comentarios:

  1. Alberto30 de octubre de 2010, 17:58

    Qué poliu tot... A viyer si m'animo bella vegada y puyo a viyer Pineta e ixas vals, que me las han recomendadas pero soi una mica feniant ta puyar-ie.
    ¡Salut!

    ResponderEliminar
  2. Chabier Lozano1 de noviembre de 2010, 17:25

    Pos no sías tant feniant e puya-ie, que ya en vale la pena, e tampoco no ye tant leixos, hombre.

    ResponderEliminar
  3. Unknown10 de noviembre de 2010, 9:37

    ¡¡¡Vaya fotos!!! Si que le fan chusticia a ixos lugars.O malo ye no poder revisalsiar-los mas hormino.

    ResponderEliminar