Ya que feba tantismos días que no i febe res, pues hue foi dos entratas. Esta ye de la cursa que fayé ayer de tardes (qué le imos a fer, quan se puede e no quan se quiere). Puyé dende la boca d'el tunel dica Puerto Viello (per an que se retiró la 43 División e la población civil en l'anyata 38), dende astí dica la Punta el Puerto (2745 m., creigo) e me'n baixé per Barrosa. I hai unas anvistas bien majas, tanto enta'l lau aragonés como enta'l francés. Tos de deixo bel·la foto, encara que son fetas con l'obchectivo malo e la luz no yera mica buena. Ademés i podié veyer una pila de fauna: chizartz, marmotas, bel butre, bel trencauesos, collalbas, una rabosa, etc.
Anvista enta'l camín que puya ta'l Puerto, a'l fundo Suelza e Fuesa:
Anvista dende la Punta d'el Puerto Viello, se i veye enta la izquiersa el pico de L'Almunia (a veyer se i puyo este verano) e es lagos de Barroude, ya en Francia. Pa baixar enta Barrosa cal ir enta ixa collata:
El castiecho que i hai en la Punta d'el Puerto, mirando enta l'este:
No ficié guires fotos més perque se me feba tarde, e la luz no acompanyaba como ya he dito.
Esta nuet, se las boiras el permiten, quiero salir a fotografiar -a'l menos mirar de fer-lo- las Perseidas u Glarimas de Sant Lorient. El veigo difícil, perque ye pro nuble e fa un rato pleveba...
Anvista dende la Punta d'el Puerto Viello, se i veye enta la izquiersa el pico de L'Almunia (a veyer se i puyo este verano) e es lagos de Barroude, ya en Francia. Pa baixar enta Barrosa cal ir enta ixa collata:
El castiecho que i hai en la Punta d'el Puerto, mirando enta l'este:
No ficié guires fotos més perque se me feba tarde, e la luz no acompanyaba como ya he dito.
Buenas Felqueral.
ResponderEliminarL'anyada pasada estié en Puerto Viello. ¡Qué en ye de poliu!
Yo tamién quiero salir ista nueit a viyer as perseidas, manimenos tamién aquí bi ha asabelas boiras menazants. Una pena.