Esto maitín soi puyato ta Marmorés, que tenebe ganas de veyer el ibón chelato. Pro que en yera, e pa días, perque heba caito una chelata buena. Ya que ibi'ere, m'he dito: "pues ya que i soi aquí me'n voi ta la collata d'es Astazus". Dende astí i heba una buena anvista enta Gavarnía e es Pirineus de l'altro "coté", encara que no se i viyeba el churro de Gavarnía, caldrá ir-ie bel día, pero la rota ye larga dende Bielsa.
Pero ya que soi arribato ta la Collata m'he dito: "Pues ya que i soi aquí, me'n puyo ta l'Astazu chicot". E ixo he feto. No soi puyato ta'l grand perque ya febe tarde, e ademés yere cansato. E pa muestra de la mía cursa tos deixo cualques fotos.
Esta ye una anvista d'el plan de Marmorés dende la Collata d'es Astazus, a la dreta el Perdido, e abaixo a la izquierda el ibón:
Estas dos son d'el ibón de Marmorés, poqueta augua se i vei. La primer foto ye de cuan puyabe, e la segunda de cuan baixabe:
E esta ye feta dende el balcón de Pineta u Volant de marmorés. La he feta a las 12 d'el mediodía, cuan no i hai uembras:
Pos ixo, en total un poquet més de 1600 metros de puyata pa celebrar que hue fa un mes queno fumo, e jolio se el he notato puyando :)
O primero de tot, biembeniu ta o club d'ex-fumadors! O segundo: as fotos de Marmorés m'han trayiu un puyal de recuerdos, de cuan iba de campamentos ta Pineta. A puyada ta Marmorés yera la reina de todas as escursions. A unica bez que consiguié arribar-ie, a bisión d'ixos chelegals en o preto d'o mes de chulio me dixó percutiu de tot. Y escamallau, cal admitir-lo. Y ixo que yera choben y alabez encara no fumaba! Bes-te-lo a saber qué pasaría agora... pero fixo que a la baixada no tornaba a tresbatir-me entre as felqueras xD
ResponderEliminarGracias Lois Chabier, a veyer se aguanto sin fumar.¿Te tresbatiores per las felqueras? Ixo no m'el hebas recentato, la proxima vez que nos veigamos (¿t'acuerdas que ibas a puyar una tarde?) me'n quieo redir d'ixo. Un abrazo e un altro pa qui tú sabes.
ResponderEliminarBuena empresa esa, la de subir al lago de Marboré, y mejor empresa la de dejar de fumar, así podrás ahorrar para un gran angular, o un macro,...
ResponderEliminarHacía tiempo que no paseaba por tu blog, y vaya sorpresa más agradable ver tantas buenas fotos. Se nota que le has pillado el tranquillo a la 40 eh?