Como ya tos decibe, m'ha feto goyo esto d'ir a fer fotos di nuet e creigo que he millorato un poquet la tecnica: més tiempo d'exposición (modo BULB con el mando a distancia), no emplegar garra filtro, ISO més baixa pa que no i amannixca tanto ruido e tirar en RAW, ademés de chugar un poquet con el Photoshop (no guaire: brillo, contraste, mascara d'enfoque e retallar-la pa dar-le formato panoramico). Pa bel·la cosa ha de servir el insomnio. Ayer me'n fue cara Tella, e fayé 9 fotos en 2 horas, pa que veigatz que cal estar un ratet pa cada foto, perque entre que la maquina ye en marcha el tiempo que tú quiers (en·n'a mía el maximo son 8 minutos, pero i hai altras marcas que puede estar tot el tiempo que quieras) e dimpués la maquina procesa es datos pos se te'n va una pila tiempo.
Como en bel·launa i sale la Penya Montanyesa, Zagal, se te fa goyo ya quedaremos e t'en pasaré una copia per se te la quiers imprimir, a truca de l'achenda que me diores.
La primera ye de la Punta Lierga e d'el macizo que va cara la valle de Chistau, la segunda ye d'el Perdido e las Zucas, e la tercera de Penya Montanyesa e Penya Solano.
Salut.
T'agafo a parabra!!. y a bier si d'una putisma bagada femos un cafe u dos.
ResponderEliminarEncara que no entiendo guaire de fotografía (pero sí me fa prou goyo), a yo me parixen preziosas as tres (se podría fer bel calandario). A primera y a terzera tamién las fizes de nuez?
ResponderEliminarZagal, cuan viengas per el país ya nos faremos ixes cafés.
ResponderEliminarOnset, sí, son totas fetas de nuet, encara que dependendo d'el tiempo d'exposición e de la orientación de la luna salen més luminosas u menos. Cuan i haiga luna nueva tornaré a ir pa dar-les més protagonismo a las estrelas, que con tanta luna no se i veyen bien.
Sin parolas! Cada begada millor. Las colors d´a terzera me tien ipnotizau.
ResponderEliminar