jueves, 21 de agosto de 2008

Tuera e bombolón

La tuera ye la planta més verenosa d'Europa, diz que 1 mg. ye capable de fer crebar a una persona adulta, mismo per contauto cutánio. Aora Pineta en ye plen, sobre tot de l'azul, pero l'amarilla no tardará guaire a salir (u yo no la he sabita viyer, pero n'i hai menos que azul). Con tot e con ixo a's bombolons u abelletas d'éstas pareix que no les afeuta guaire, perque i acuden de contino.
Hue he feto prebas con alta velocidat (1/1600 e 1/2000) e l'he meso una ISO pro alta (1600) per ixo sale rudio, pero pa estar el primer día que m'he mirato de fer este tipo de foto m'he feto contento d'es -dica aora- pobres resultatos. Pa q ue no tardás tanto a puyar-las les he reducito el tamanyo, punchatz-ie dencima pa veyer-las més grands.
Au, e maitín se no plebe ta Tormosa a contar chizartz.
en

4 comentarios:

  1. Salvador21 de agosto de 2008, 23:57

    Deu ser la tora o cicuta que van fer beure al Sócrates

    ResponderEliminar
  2. Chabier Lozano22 de agosto de 2008, 14:15

    La cecuta ye diferent, pero tamién te puede fer veyer la crapa roya (u que crebes como socrates). En aragonés i hai una comparación que diz "més amargo que la tuera", pero no cuento que dengún l'haya prebata e haya puesto vivir pa contar-lo.

    ResponderEliminar
  3. Onset22 de agosto de 2008, 23:08

    Jolio! Y no ye siñalato que ye tan periglosa? Cal parar muita cuenta. Y án crex a matota ixa?

    ResponderEliminar
  4. Chabier Lozano24 de agosto de 2008, 22:42

    No se senyala cosa, pero se la chent no tenés el puto costumbre d'ir rancando flors per astí no pasaría cosa. De totas trazas yo nunca no he sabito de garra caso, pero per se a un caso a la chen que veigo que en llevan les digo que el tiren e que se laven las mans.
    Salut

    ResponderEliminar