Güe soi ito a veyer se ya heba salito el zueco de venus per meter-tos-ne bel·la foto, pero no i ha habito suerte e encara tardará, como poco, una semaneta més (pero no tos ne fayatz que ya i seré a l'aguait).No pensabe fer garra entrata, pero esta foto me la he trobata mirando en google el carnabal de Bielsa. Yo soi el de la izquierda, e a ixa pobra mesacha le fayemos dar més vueltas que a una bailarota, perque se l'enreligó el tapabocas en las mías talacas e chiro t'aquí, chiro t'allá. Yo que me'n querebe ir a acometer t'altro puesto e cuanto més mirabe de jopar més embordiecho fenos. La pobra remató implorando que la deixanos estar, ya la viyetz con la cara enfullinata, pero yo ye que no me podebe soltar d'ixe tapabocas, e l'altra tranga firme botiar arredol d'era e yo arrozegando-la.
Pos no més ixo, una curiosidat. L'autor de la foto espero que no quiera "royalties" u, como caldría decir, dretos d'autor.
Asinas ya se podez fer o que queriaz, bien tapatos, poco miedo que tos reconoxca, y sin garra problema de 'represalia' :-).
ResponderEliminarBueno, bel·la bronca ya n'i ha habito. Estianyo con la policía nacional que yera fendo controls en la muga apartoren las baran·nas que i heba tallando la carrera e nusaltros dando-les guerra que casi calientan a un (le fotioren un lapo); l'anyo pasato uns quereban calentar a una tranga perque s'heba espantato un can que se fotió debaixo un coche e no quereba salir; fa cuatre anyos casi se me llevan ta'l cuartel d'es civils...
ResponderEliminarBien se nos ne vale que la chent d'el lugar siempre ye a l'aguait e se nunca pasa cosa vienen de camín a quitar-nos d'el embordiecho.