Lavasar

Conoixié este puesto fa anyos per medio d'una foto d'en Carles Zamorano, pero no ib'yere estato dica l'anyo pasato, quan puyé con Javier Camacho ta Cotiella. Dende ixa vegata, e con la foto de Carlos en la capeza, me i soi acercato quantas vegatas de primavera a mirar se pillabe buenas luces con l'ibonet. Este ye el resultato d'es tres viaches d'estianyo.
La primer vegata, con Alfonso Ferrer,  pero encara i heba muto chel. Per suerte, de baixata encara pillemos unas luces interesants enta l'este.

 E aquí, la tercer e zaguera vegata que i fue, con una miqueta més d'augua e una puesta de sol espectacular sobre Treserols.

Santa María de Buil

Una tarde de tronadas, dos vegatas fue ta'l puesto e dos vegatas habié a tornar ta'l coche pa no banyar-me e que no me cayés bell rayo.
A la fin me'n fue ta Guaso, a esconchurar ixas tronatas.

Muro de Bellos

Entre semana de tardes; a ratos pleve a ratos se despasa. Tiempo d'el caragol e d'el fotografo, per la oportunidat (nunca certeza) de buenas luces. S'ha feto tarde e no me vaga de puyar ta garra montanya, asinas que toca d'ir ta bell puesto a piet de coche e trigo Muro de Bellos. Creigo que ixa tarde chugan el Madrid e l'Athletico un partito. Ixo rai, m'estimo més de salir a veyer l'atardeixer.
No fue pa tirar codetes, pero pasé un buen rato.

O Puent

Tal e como rematé abril, prencipié mayo. Visitas rapidas e pocas fotos, se nota que alarga el día e que arriba el sol decamín. Unqa vuelteta rapida per Anyisclo sin fer guaires fotos, pero disfrutando, que ye el que cuenta.

Replega de cabo d'abril (totas con bicho)

Pa cabo d'el mes d'abril he feto quantas salidas sin guaire tiempo, asinas que soi ito a punto fixo a fer la foto. Per ixo, m'estimo més d'agrupar las més significativas (tampoco no m'ha vagato d'editar-ne guaires) e chuntar-las en una sola entrata.
En totas i salgo yo pa dimensionar es puestos, encara que pro a fes que las tiengo sin bicho.
O Chorro Fornos:

 Os Vivers d'o Campillón (Surgencia de Escuaín)

 Plana Canal:

 O Puent d'as Crabas: