Sin luces

E no ye que me refiera a yo, que tampoco no ye que en tienga guaires, me refiero a que el sabado puyé ta Pineta con tota la ilusión d'el mundo esperando unas luces espectaculars con la nieu zancera. Quan salié de casa yera raso, quan salié de prener-me el café d'el refuchio s'heba meso nuble e prometeba buenas luces, pero quan arribé ta'l puesto an querebe fer las fotos veyé que tamién yera nuble enta l'este e... Me quedé sin luces. Asinas que caleba tirar de plan B, que fue este:

Flor en el cul II

Per segunda vegata, torné ta un puesto en poco més d'una semana. E, tamién per segunda vegata, torné a tener muta suerte con las luces. Astí yere yo, dende que salié de casa, pensando-me que el ciel yera muit nuble e que no faría cosa. Pero siempre cal esperar, e la espera tornó a dar es suyos frutos (no pas ahier, que nian quité la camara de la mochila):

Filigranas

Amés d'es grans paisaches, tamién cal mirar las cosas chiquirrinas. La nieu e el chel pueden fer més bonicas las montanyas, pero tamién son bonicas eras mesmas.
La putada? Que se me quedó el tripode a casa... #cagüenlamiacabeza

Flor en el cul

Bueno, ya més tranquilos dimpués d'el plomazo de nieu que cayó ahier, contina la vida. Ya veremos se puedo fer bel·la foto decent, perque me temo que dica el chueves no pdoré fer cosa...
Pero en fin, altros días vas a prebar suerte e te trobas que t'ha salito ixe día una flor en el cul.
Ixo ye el que me pasó el chueves pasato, quan fue a mirar una envista dende un puesto t'an que feba talment 10 anyos que no ibe. Fue mirando puestos e marcando-los en la mía memoria pa altros días con millors condicions. Con tot e con ixo estié esperando un rato e, quan me'n ibe perque yera nuble e no contabe con poder tener luces, salié ta un colladet e astí yera esperando-me el gran espectaclo: s'ubrió el ciel e el baile de luces fue espectacular.

Ibón de Plan

Feba días que no ibe a visitar-lo, e ya que per fin i heba boiras dimpués d'un nadal d'anticlón sin veyer-ne una...
Fotos con bicho:

 Sin bicho:

 Boira sobre Treserols:

 E la Penya la Una (creigo):

E las primeras de 2017

2017 prencipió tal e como remató 2016: con un puto anticiclón e un puto ciel azul e raso como el uello d'un paixarico. pero con tot e con ixo, quan llevas despierto e ya no sabes qué fer, ye una buena opción la de puyar ta Pineta a mirar nuevos enquadres.

Las zagueras de 2016

Pos ixo, que, como no podebe salir guaire, aprofitabe el mío puto costumbre de despertar-me entre las 5 e las 6 pa salir a fer las primeras luces, e asinas chugar con el contraste entre las primeras luces (lastima de ciel raso como el uello d'un paixarico) e las chelatas producto de la inversión termica. A -12ºC son fetas estas fotos, ixo sí que ye afición...
Las d'el día 30:

 E las d'el 31: