Resisitindo la tentación.

El domingo, como ixo d'el puto cambio d'hora me trestoca -encara més- el suenyo e ya no sabebe ni a qué hora vivibe, puyé ta Pineta. Tarde, con muto sol e sin una puta boira que el tapás. Encara me vagaba pa fer fotos per lo barranco Lalarri, que ye pacín. Pero entre que yera pasato e que le hebe fotografiato la semana anterior, decidié de resistir la tentación e no fer fotos con aguas sedosas, que ye el terreno an més comodo me trobo yo, la mía zona de comfort que se diz aora, no?
Pos ixo, a pesar de totz es cantos de sirena, puyé per lo camín de las cascadas de Lalarri sin immutar-me, chugando con la follarasca e querendo fer una envista de Lalarri, encara que ixa luz no me feba mica goyo e no tardé mica a tornar ta casa.

Ahier nevó per la puntas, e m'habría feto goyo hue de fer un amaneixer espectacular dende La Estiva. Pero dica que no me toque la primitiva he de seguir troballando, cagüen...

Navatiando per lo Yaga

Dende que recorrié per primer vegata, fa ya 16 largos anyos, la Gáriz d'el Yaga quan troballabe en el retén d'el Parque, me pareixió un camín divertito e, més que més, espectacular. El he feto andando e, en dos ocasions, barranquiando dende O barranco o Lugar d'Escuaín. Mutas altras vegatas m'he limitato a baixar ta Os Vivers d'o Campillón (toponimo de tota la vida que s'ha sustituito per "Surgencia de Escuaín").
No siempre el he puesto baixar, perque d'estar un camín entretenito puede convertir-se en una tortura se el caudal no ye l'adequato. E encara que baixe poca augua, este camín puede fer-lo pasar mal a ratos se no yes feto a mover-te per estes terrenos pennacers, e se no que les ne digan a's que i he llevato.
No ye de fer guaires fotos, seno de disfrutar d'es marabillosos cados que amaga.

Ya no queda guaire agüerro, asinas que caldrá esperar a la nieu pa prencipiar a fer fotos de nieu e chel. Seré rar, pero ya tiengo ganas de que vienga el frío.

Escuaín e Anyisclo

Dimpués que el sabado fues un día en que de maitins més m'había valito la pena de quedar-me en casa. El domingo habié a concentrar en un día el que habrí quiesto fer en dos (u sía deixando-me muto per fer). El plan orichinal yera ir el sabado ta Escuaín e deixar el domingo ta dar una vuelteta per Anyisclo e baixar dende Fanlo enta Sarvisé.
Pero como en esta vida uno propone e la vida dispone, como digo tot habié de deixar-lo pa'l domingo.
Asinas que el domingo de buen maitín ya yere en Os Vivers d'o Campillón. No yeran las colors encara d'agüerro de tot, pero qualque cosa se i podió fer.

Dimpués quedé con un amigo pa ir enta Anyisclo, pero como ibe con prisa le dicié que fues er a la suya marcha que yo m'adelantabe ta'l Fau de Sangons per que tenebe prisa (e er mica). Asinas que A Pardina d'o Sinyor se quedó sin visitar.

Cuento que este cabo de semana ye el zaguer d'agüerro, e podrinos tener nieu pa cabo de mes, como fa anyos. Ya veyeremos en qué se traduce, pero a yo me farían una gran favor se ya i hes nieu per las tucas dende primers de noviembre :-)

Pineta

Con una semana de retraso ,perque i fue el domingo pasato, pero no podebe deixar Pineta sin visitar d'agüerro.
Poco que decir, que m'encanta encara que las fotos no le fayan chusticia.
El Parador, no tos faría goyo d'ubrir la finesrra  e trobar-tos con ixas colors?:

 Boira per alto e per abaixo:

 Treserols amagatas dezaga de las boiras:

 Un d'es churros de Lalarri, en vertical e en horizontal, la una con persona e l'altra sin persona:

 Lalarri enta abaixo:

 E "la mía piedra" (leiga-se esto sin malicia, per favor). He incluito chent pa qu ese veiga realment cómo ye de gran:

 Qué vicio esto de controlar totz es parametros de la camara con el móbil sin tener que correr:

 E las de hue las deixo pa unaltro día.

Buixaruelo

El domingo tocaba d'ir ta Buixaruelo, an que i llevé a dos amigos e colegas d'afición. Mientres las masas s'endrezaban enta Torla (a las 7:30 ya i heba una buena cola pa pillar es autobuses), nusatros nos ne fuemos enta la valle chirmana. Yo el siento, me fa muto goyo Ordesa pero no puedo con las aglomeracions en el mont (y per cada día menos en altros cabos). Per ixo les proponié d'ir enta un puesto que hebe visto a'l cabo'l verano quan baixabe d'el Vinyamala/Comachibosa. Cuento que les fayó goyo, e yo me'l pasé de pistón fendo fotos d'auguas sedosas (bel·laún ya sabe per qué digo esto he he). Tos deixo bel·la foto.
Pa fer esta habié de baixar como es chabalins, bell día habré a fer caso a Joseba e llevar-me una cuerda.

 Cara abaixo:

 Antes que salís el sol per entre las boiras (de tardes nos plevió):

 Una miqueta menos d'augua habría venito bien:

 No tot va fer-se a 16 mm.:

 Un trepuzón e t'abaixo:

 Locus amoenus; cómo la preferitz, con chabalín u sin chabalín?

 Con el 100-400 de Joseba:

 E un puesto que m'encanta per quantos motivos e que tenié la desgracia de meter de moda en Fotonatura :-(

Pa unaltro rato las d'el lunes per Pineta.

Agüerro

Como el sabado pasato no tenié prou per Anysiclo, este sabado decidié de tornar-ie perque las colors serían més abanzatas, e asinas yera. Aquí tenetz la muestra.

Ahier ta Buixaruelo e, en un ratet, ta Pineta, a veyer qué i trobo.
Per suerte, i hai zonas an que no ha arribato encara e me permitirá de fer bel·la escapata més es proximos cabos de semana.

Viene antes

Como se va advertindo en diferents puestos, estianyo l'agüerro viene antes. Ahier de tardes me'n fue un ratet ta Pineta a veyer cómo iba e la man pacina -orientata enta'l norte- ya ye quasi en el suyo maximo. Asinas que este puent tocará d'ir recorrendo fabolars (no pas Ordesa, el siento, no me fa goyo de pedir vez pa plantar el tripode).
Per aora tos deixo con l'avance de las colors que me trobé l'altro día per Anyisclo.
 O Puent. Voi a fer la serie completa con las quatre estacions (me falta hibierno e verano, encara que esta zaguera no m'apetece guaire):

O Puent dende la parte de dezaga, pareix un sumidero:

 Ixe fau ya heba caito l'anyo pasato:

 L'augua en este tramo ye espectacular quan el río baixa tranquilo:

 La follarasca se detiene en chicotas islas:

 E un cado, pa yo, espectacular:

 A veyer qué femos este agüerro que ya ha prencipiato. Siatz fotografos u no, pa yo un d'es placer de la vida ye pasiar per un fabolar d'agüerro, e ye una terapia que recomiendo e que no deberitz deixar-la pasar.