Zaguer amaneixer

Hue querebe despedir estianyo 2013 d'una manera especial, e qué millor forma que veyendo amaneixer sobre Treserols dende una atalaya tant buena como la Punta Estiveta (2282 metros). Ixo sí, m'ha costato una buena puyata de nuet, pero estoi que ha mereixito la pena, perque he presenciato un d'es amaneixer més guapos que he visto sobre Treserols, e ya en llevo uns quantos. Ha durato poco, pero ye estato intenso.
Aquí enta l'este, tanta boira m'ha feto pensar qu eno podrí veyer l'amaneixer que buscabe, pero afortunatament m'ha deixato 5 minutos:

 E aquí las priemras luces sobre Treserols:

A veyer quán me vaga de amanar una panoramica dende Rubinyera dica la Collata Anyisclo.
Que rematetz bien l'anyo e tos deseyo (encara que dubdo de la suya utilidat) un buen 2014. Salut.

Quan no i hai altra cosa

La verdat ye que ye una suerte tener Pineta a'l canto de casa. Muta chent no m'entiende, pero dimpués d'haber -ie treballato 6 anyos, m'estimo més d'ir t'altros puestos, encara que Pineta siempre me fará muto goyo. Peor el cierto ye que me'l deixo siempre pa quan se me tuercen es plans que tenebe u no me vaga d'ir guaire leixos.
Per exemplo hue m'he despierto a las 5:30 (sin rebel ni cosa, soi asinas) e he pensato que yera una hora estupenda pa ir enta Anyisclo, e arribar en el mío cado con las primeras luces, perque tiengo ganas de fer-lo con nieu. Pero m'he mirato per la finestra e yera plevendo a tot plever, e la cota hue la daban alta. Asinas que m'he quedato en casa. Como no m'he puesto tornar a dormir, a las 8 ya yere farto, e aprestato tot, m'he preso un café e soi marchato enta Pineta a veyer qué me trobabe. E esto ye el que m'he trobato. Ye el mismo de quasi siempre, pero a'l menos he salito.
Qué incomodo ye de fer fotos con raquetas, batiaguas e plevendo.

Ordesa

Como el sabado no tenié prou con el sobo e con el frío que pasé en l'Ibón de Pla, el domingo me'n fue ito ta Ordesa. M'ha recibito con -6º e el camín yera una pista de chel, pero dimpués de quantas salitas sin tornar ta casa a gusto con las fotos, hue puedo decir que soi tornato contento.
Pero como esta entrata ye programata, se me ye fendo tarde e maitín he de conducir, puyo las fotos e prou. Salut.

Ibón de Plan. Feliz Saturnalia, solsticio d'hibierno, Navidat... el que queriatz

Pos ixo, que yo soi ateu sin remisión, e se he de celebrar qualquecosa (amés de las vacacions) m'estimo més de remitir-me a's orichens paganos de la crsitiana navidat, pero allá cadaqual con las suyas creyencias. Pero como pareix que estes días cal felicitar-se, pos yo no soi menos :-)
A'l que imos. Que ahier me'n puyé ta la Basa la Mora, u Ibón de Plan, l'ibón que pareix sacato de las Rocosas canadienses. I puyé de maitins, per lo camín (perque ni tiengo 4x4 ni diners pa comprar-ne un), quan pior luz i hai en ixe puesto. Ya sé prou que las millors luces se i troban de tardes, pero tot no se puede en esta vida. Asinas que como la luz yera malisma e las fotos van per lo mismo camín, he prebato de chirar-ne qualcunas d'eras ta blanco e negro, a veyer se sotz tant amables de dar-me la vuestra opinión sobre quál ye millor:

 D'esta zaguera el procesato me'l ha feto un buen amigo:

 E estas altras no he feto soque versión en color. El barranco l'ibón, como pa i foter-se un banyo:

E hue soi marchato ta Ordesa, pero per no saturar, deixo las fotos de hue pa unaltro día. Salut.

El Puent

Aquí en Aragón hemos tenito la suerte de que este puent yera de quatre días, dende el chueves dica el lunes. E m'ha vagato de fer de tot. Soi salito tres días a fer fotos e hue le hebe promeso a la filla que irinos a esquiar, e ixo hemos feto en un día buenismo, con muit poqueta chent en las pistas.
Pero aquí el que foi ye charrar de las mías escapatetas ta la montanya a fer fotos, e no pas a charra de la mía vida particular, asinas qu eimos ta la fayena.
El viernes tenebe pensato de puyar ta l'Ibón de Plan, pero un problema mecanico m'impidió ir-ie. E ye que no me quereba rancar l'auto, el pobre tiene quasi 300.000 km., e habié d'empuixar-lo yo solo perque a las 5 d'el maitín no i hai més barrenatos per astí so que un servidor. Ixo me fayó cansar-me, perque empuixar un auto de 2000 kg. no ye fayena fácil, e desistié de l'Ibón, asians que marché enta la France, ta l'altro coté, a ixulufrar per un puesto t'an que feba días que querebe ir. Aquí tenetz las fotos.
Feba muto tiempo que no febe una nocturna, pero ixe día m'animé:

Augua, nieu e primeras luces sobre una montanya:

 Muto frío feba:

Una miqueta antes de tornar ta l'auto, la color de la montanya iluminata se refleixaba sobre el río:

A l'altro día pensé d'ir ta Barrosa a fer las primeras luces sobre Robinyera e L'Almunia. Me metié el rebel a las 7, pero no m'acordé que con nieu cuesta més de caminar, e ya me veyetz indo a las quatre suelas pa poder arribar en el puesto que tenebe pensato dende el verano.
Esperabe més augua, pero s'heba chelato, con tot e con ixo n'i heba pa sacar es refleixos:

Baixando, chugando en bell cado d'el río:

E el domingo marché enta Buixaruelo. No tenebe previsto cosa, perque marchñe de cena e se em fayó una miqueta tarde, pero gracias a'l mío insomnio a las quatre e media yere despierto, asinas que a las 7, farto de no fer cosa, pillé el macuto e i fue. Yera precioso, i goso ir d'agüerro, pero l'hibierno ye precioso: nieu, chel e un río Ara con una color imbatible:

Un frato en la nieu:

 Qué chelata i heba:

En un puesto an que torné a trobar falta una 6D:

 Unaltra vegata contrastes de frío con refleixos calidos:

Més chel:

 Un puesto t'an que goso ir dende que el descubrié fa tres agüerros. Qué diferiencia entre veyer-lo plen de color d'agüerro a aora:

 E una fot que busco fa días pero con altras condicions (més luego, con nieu e con una miqueta de boira serían las condicions ideals), pero cal treballar con el que tiens:

E ixo ye tot, ya perdonaretz per tantas fotos.

Frío

Este cabo de semana ye estato un no parar, pero per suerte he puesto sacer una miqueta de tiempo pa salir a fer fotos a las nieus recients. Qué fríoo que ha feto. Nevó una miqueta el sabado (no guaire, e con aire) e se cheló tot, per ixo ahier de maitins la carretera de Pienta yera de mira-me e no me toques, con una capa de ieu chelata que eslisaba un abarbaridat. Bien se vale de las ruedas de nieu, que se las chuntas a una miqueta de costumbre pa conducir en ixas condicions (no dar acelerons fuertes, no frenar, etc.) puetz ir movendo-te, sobre tot quan no n'i hai un paquete, como ahier.
Pos ixo, qu eme'n fue ta Pineta a tafaniar cómo yera e per deixar estar a'l barranco de Lalarri (tampoco no ha feto frío como pa que se chele) m'acerqué ta una cascadeta que se veye dende la carretera pero no i hai camín. D'hibierno no i pega el sol en tot el día, asinas que ya podetz contar qué temperatura i heba. Bien se vale de la ropa termica y de montanya.
Priemro m'entretenié enb el Plan esperando las primeras luces sobre las montanyas d'el cul de Pineta. La yegua solo colaboró estando-se quieta quan yera pixando, per ixo sale con la coda debantata:

 China chana se van tenyindo las montanyas:

 Dica que i hai un inte que ye espectacular, pero dura muit poco:

 Ya en la man pacina:

 Dimensionando una miqueta:

 E l'obchectivo d'el maitín. Ixa paret se queda como lavata, pero en el RAW sale igual...