Més

U me'n paso u no foi cosa, pero hue soi tornato a salir ta'l mont e pro a fes que he feto més fotos, tamién a las Cypripedium, pero a bel·la altra orquídia e altras flors. Cuan baixabe enta la Villa he visto una cosa rara en medio el Plan, contabe que sería un corzo, e cuan he parato l'auto he me'n he baixato (previo achuste de la camara): chusto, en yera, e ha salito a las cuatre suelas encara que l'he puesto fer bel·la foto en rafaga e no han salito mal de foco. Tos deixo cuatre fotos d'esto maitín:

Orquídia, pero no tiengo ni puta ideya de cuál ye

D'estas tampoco no conoixco el nombre, pero son muto chiquirrinas

Estas pro que sí, las famosas Cypripedium calceolus

E el corzo corredor, en zagueras n'he visto dos a horas raras, uno a las seis de la tarde tornando de Plan e este de mediodías, siempre es hebe vistos d'oscureixito u antes de l'amaneixer.

Ya son aquí un altro anyo...

las flors d'el Cypripedium calceolus. Esto maitín i soi ito t'an que creixen con no guaires esperanzas de viyer-las, perque ibi'ere estato feba uns días e encara no prometeba la cosa. Bien se m'ha valito que m'he llevato el tripode e he cremato tarcheta como un animal. Qué me sé yo la de fotos que he feto, e las que me'n queda per fer, que i tornaré. Antes d'ir-me-ne enta casa me soi pasato per el Refugio de Pineta a fer-me un ordio e l'amigo Jaime m'ha amostrato una ixemplar d'una palometa nocturna que diz que ye de las més majas de la Peninsula, e en ye. Ya me diretz, se queretz, qué tos pareix a vusaltros.
Primer cuantas fotos de las flors:

Bueno, ya ye pro de flors, e ixo que encara me'n queda una pila. Aora bel·launa de la palometa
Jaime m'ha dito que yera una Isabella no sé qué més, mirando per Sant Google he visto que ye una Isabella Graelisia, majisma pa yo. Le faltan las puntas de las alas per abaixo perque yeran fendo un estudio chenetico d'esta especie tant emblematica.
P. S. Moltes felicitats a tots el barcelonistes per el triplete, aquest any m'ha fet goig de veure els partits del Barça.

Frikatas

Cuan navateyo per el rete me fa goyo d'ir sentindo mosica e videos de youtube, e de cabo cuan te i trobas frikatas como ésta. Ye un video de conya d'una colla que fa pro goyo, System of a down, e m'ha feto esmelicar buens ratos.
Este ye el de conya

E este ye el buen.
Tamién n'i hai una versión de Toxicity, pa yo la millor canción de SOAD.
Ya perdonaretz per el frikismo, pero m'ha feto redir. L'anyo pasato i heba comentarios sobre que esta colla iba a representar a Armenia (totz es suyos miembros son descendients d'ixe país) en Eurovisión, alavez no me'l habrí perdito:)

Ya perdonaretz...

pero ye que tiengo el blog abandonato. Como hue ademés tiengo prisa no tos i meto so que bel·la foto que he feto estes días chugando con el macro. Pos ixo, ya me desincuraretz e que vaya bien.


Qué verde que ye tot aora, e pa muestra una foto de la molsa:



Esto ye una camomileta, finals de mayo e primers de chunio ye cuan més flors se veyen per aquí:
Un bicho que viyé ayer e que me pilló de sospresa, no podié meter-le altros parametros a la camara pa poder pillar-lo bien, pero a'l menos las antenas salen a foco:

Entrevista a Manuel Castán, President de l'Academia de l'Aragonés

Tos deixo el enlaz a la entrevista que l'han feto en l'Alto Aragón a'l President de l'Academia de l'Aragonés. Podetz leyer-la aquí

L'Academia de l'Aragonés a Zaragoza

M'ha arribato un correu decindo-me que el viernes, a l'Aula Magna de la Universidat de Zaragoza, se i fa la presentación de l'Academia de l'Aragonés. Muit interesant, se puedo i acudiré, que ya es viyé a Bielsa e a Chistau. Totz es que siatz de Zaragoza, u redolada, se podetz acuditz-ie.