domingo, 28 de junio de 2015

Parnassius apollo e Lilium pyrenaicum

L'altro día fue a mirar la flor de nieu ta un puesto que ye a piet d'auto, e indo-ie ya veyé esvolustriar la primeras apollos. Asinas que hue, de buen maitín (e ixo que soi estato a punto a las 3:30 de puyar ta Marmorés) soi ito a fotografiar-las. Siempre voi a punto fixo, pos conoixco es suyos posaders e estianyo no i han faltato. Aquí la tenetz, la una sobre una scabiosa e l'altra sobre una margarita:


E dimpués soi ito ta Pineta a veyer a'l martagón, pero encara no yera ubierto, asinas que sin guaires esperanzas soi ito aveyer cómo iba el Lilium pyrenaicum, e pa la mía sospresa encara n'i heba bel·laún decent:

La pena ye que es dos días feba una miqueta d'aire e no han salito como yo querebe, asinas que caldrá repetir :-)


sábado, 27 de junio de 2015

Arco de Sant Chuan

L'altro día per la Sierra d'Espierba amenazaba tronata, pero ya sé que estas tronatas vienen e pasan dando diferents posibilidatz: rematar chupito, que t'apedregue, que te caiga un rayo u tot de vez. Pa's que imos mirando luces per ixas montanyas, un día d'ixes puetz tornar con uns ciels espectaculars u sin cosa (e ambas opcions con las tres anteriors nombratas).
Pos bien, l'altro día dimpués de plever una mica, cayer bel·la pedreta e veyer lampos per tot arreu, baixando d'el Due podié veyer este Arco de Sant Chuan adornando la valle...
Pero l'orache cambiaba cada 5 menutos. Dimpués d'apedregar salió el sol:
 E enta Treserols salioren unas boiras que marchoren en 2 menutos cara Rubinyera permitindo que entrasen es rayos de sol pa fer l'Arco de Sant Chuan d'antes.




lunes, 22 de junio de 2015

Solsticio

Quan me compré la 6D, un d'es obchectivos yera reprener la fotografía nocturna que tanto goyo me feba. Manimenos, encara no yere salito nian una sola vegata a probar el suyo estupendo sensor. Ahier i heba buenas condicions: solsticio de verano e luna nueva. Encara que yere cansato, vencié la mandra e me'n fue ta Espierba, encara qu ela idea orichinal yera ir ta Tella. Una vegata en Espierba, e veyendo el ciel qu ei heba, me convencié de tot pa ir enta Tella. Torno a repetir: solsticio, luna nueva, vía lactia, un dolmen, ermitas d'el XI e d'el XVI, una envistas estupendas... Atavico de tot
Son las primeras fotos nocturnas que foi, asinas que encara i hai mutas cosas que pulir e perfeccionar; pero con tot e con ixo soi satisfeto.
Dende la Virchen de la Penya enta Sobrarbe:

 Cara Tella:
 Faixanillas, chusto pasó una estrela fugaz:
 Autorretrato (u selfie, que dicen es modernos):



miércoles, 17 de junio de 2015

Relax

Pa yo el relax e olvidar-me de tot ye salir ta la montanya, encara que sía un ratet. Per ixo, mientres la mayoría de la chent duerme, yo voi a la mía terapia. ye de lo poco buen que le veigo a dormir tant poquetas horas.
Mientres quasi totz duermen, yo fotografío amaneixeres e floretas preciosas banyatas per las tronatas:






sábado, 13 de junio de 2015

Fornos

Llevamos quasi una semana que, día sin altro, no fa soque tronar e plever. Fa días que, baixando u puyando de troballar, me mirabe l'Irués e baixaba turbio. El chueves, en una tregüeta de l'orache, m'animé a mirar d'arribar ta'l Chorro Fornos, pero ixa tregua duró menos que en Ucraina e me cayó tot el diluvio universal dencima. Total, que torné ta casa banyato como una chopa.
El viernes, optimista que ye un, dimpués de troballar un rato en casa, torné a mirar d'arribar-ie e l'orache me respetó. Ixo sí, baixaba augua como nunca no hebe visto (e ya i habré estato quantas vegatas, unas vente). Total, que pa que tos fayatz una idea se no conoixetz el puesto: per un regular no baixa augua, solo dimpués de tronatas fuertes u en mayenco. Prou que no podié cruzar el río pa veyer O Chorro, talment maitín sía un buen día (encara que torna a plever), pero maitín m'esperan flors :-)
Las fotos:




viernes, 12 de junio de 2015

Lilium pyrenaicum

De totas las liliacias, esta e el martagón son las que més goyo me fan. Estianyo no he puesto dedicar-les soque un ratet. A veyer se trobo una miqueta de tiempo pa tornar a veyer-las.


lunes, 8 de junio de 2015

Vendo 16-35 f/2'8 II

Pos ixo, que per reestructuración d'equipo me desprendo d'el mío quie sto 16-35 que tantas alegrías fotograficas m'ha permitito. El compré fa uns anyos ya de 2ª mano (no le queda garabtía), pero funciona perfectament e tiene bell defecto estetico fruto de tantas montanyas que ha puyato e baixato. Comento cosas importants:
-Tiengo parasol, caixa e funda (la funda no sale en las fotos, pero la tiengo, e se bel·laún en quiere una foto, le'n foi sin problema).
-En la rosca an que s'enrosca el polarizador l'obchectivo se llevó un golpe, pero enrosca sin problemas con una miqueta de cuidato. Tiengo la factura de la reparación d'ixe golpe que adchunto.
-REGALO polarizador circular de 82 mm. Kenko pro 1.
E tot esto per 850 euros, ninvío per Seur a'l mío cargo (se se quiere unaltra modalidat, a cargo d'el comprador).
Se bel·laún quiere més fotos, información u el que sía: felquera@gmail.com Ye a la venta en diferens puestos, asinas que será pa'l primer que diga: pa yo.
Podetz veyer totas las fotos que he feto con ixe obchectivo per aquí, ya veretz que da una calidat brutal zarrando una miqueta diafragma.
Qui quiera probar-lo, en Bielsa me tiene.

Pues eso, que por reestructuración de equipo me desprendo de mi querido 16-35 que tantas alegrías fotográficas me ha permitido. Lo compré hace unos años ya de 2ª mano (no le queda garantía), pero funciona perfectamente y tiene algún defecto estético fruto de tantas montañas que ha subido y bajado. Comento cosas importantes:
-Tengo parasol, caja y funda (esta no sale en las fotos, pero la tengo, y si alguno quiere una foto, se la hago sin problema).
-En la rosca donde se enrosca el polarizador el objetivo se llevó un golpe, pero enrosca sin problemas a poco que prestemos atención. Tengo la factura de al reparación de ese golpe que adjunto.
-REGALO polarizador circular de 82 mm. Kenko pro 1.
Y todo esto por 850 euros, envío por Seur a mi cargo (si se quiere otra modalidad, a cargo del comprador).
Si alguno quiere más fotos, información o lo que sea: felquera@gmail.com Está a la venta en diferentes sitios, así que será para el primero que diga: Para mí.
Podéis ver fotos que he hechocon ese objetivo por aquí, ya veréis que da una calidad brutal cerrando un poco el diafragma.
Quien quiera probarlo, en Bielsa me tiene.
Las fotos:
La factura de Setelsa:

 El pack (falta la funda, pero la tiengo)_
 El polarizador de regalo:
 Frontal:
 Defecto en la rosca:
Trasera:
 No i hai polvo:



domingo, 7 de junio de 2015

Atardeixer

Esta tarde, dimpués de correchir una pila d'exámens e veyendo que se'n deixaba de tronar, soi puyato ta Pineta a veyer se heban floreixito ya es Lilium pirenaicum. En i heba bel·laún, m'he entretenito fendo-les bel·la fotoe cara abaixo china-chana. Tot baixando, me mirabe per lo retrovisor e veyebe que el ciel iba pillando una tonalidat muit pincha, d'ixa que no se veye soque quan ha tronato de tardes. Asinas que he aparcato a'l canto de la presa e dende el muro he feto esta foto (e altras he he). Encara soi emocionato de recordar-lo. Recordatz punchar dencima de la foto pa veyer-la en gran, estoi que en vale la pena :-)

Las flors? Bueno, pa unaltro día.

viernes, 5 de junio de 2015

Neouvielle (Nieu viella)

Precisabe una escapata, e sin guaire pensar marché enta Francia, ta Neouvielle. Mientres i puyabe yera cayendo una buena tronata e la chent marchaba a cuerda. Esperabe que se'n deixás de plever e poder pillar buenas luces, pero a la fin se quedó en cosa. Asinas que fayé el que podié:


Tot tornando, paré en este churret que hebe visto puyando e i probé diferents enquadres:





miércoles, 3 de junio de 2015

Més flors

En esta tarde aburrita toca quedar-se en casa perque pleve. Asinas que aprofito pa puyar estas dos fotos de Cypripedium d'estianyo.
No he puesto salir més perque ha feto muto aire. E charrando d'aire, una canción que feba días que no sentibe que charra de l'aire en la parte final, que me pareix sublime.